صدمة عمري
المناسب
رغم انهم كلهم قالولي افكر على مهلي وهيتقبلو ردي مهما كان
بعد يومين
فكرت كتير اوي ووافقت وكلمت بابا وجدي بلغتهم بموافقتي
جدي كلم عيلة يوسف واتفقو على كل حاجة
بالليل
وصلتني رسالة واتساب من يوسف
بيقول انتي موافقة على الجواز من نفسك ولا حد ضغط عليكي
كتبت لا طبعا من نفسي انا محدش بيغصبني على حاجة
فتحت الخط
قال ازيك يا ندى
ابتسمت بعفوية وقولت الحمدلله وانت ازيك
يوسف الحمدلله كنت حابب اتكلم معاكي شوية عشان نقدر نفهم بعض لقدام
قولت اه اتفضل
يوسف بصي يا ندى انا يمكن ما شوفتكيش غير مرة وحدة لما كنتي ورا الباب لما جيت اشوف بنات اخويا قبل كدة انتي كنتي مرات اخويا ولا مرة فكرت ابص في وشك
وهو كمل انا عايز لما نتجوز تاخدي بالك من البيت والاولاد و انا طبعا
هنا انا ما قدرتش وضحكت بصوت عالي
هو ابتسم وعدى الموضوع
وقال وكمان عايزك تهتمي لمستقبلك وانا هساعدك تفتحي المشروع الي نفسك فيه
استغربت اوي
وقولت وانت عرفت منين
قال بغرور انا يوسف يا ندى ليا عيون في كل مكان
كمل هو وقال في موضوع مهم عايز اكلمك فيه يا ندى
قولت ايه هو اتكلم
قال لا هبقى ازورك واكلمك على فكرة احنا هنعمل الفرح بالصعيد وبعدين نرجع مصر
بعد يومين
انتشر خبر خطوبتي على يوسف
وكل الحتة بقت تتكلم
و كتير اوي اتصلو فيا يتأكدو من الخبر
المهم يوسف زارني في بيت جدي
و قعدنا مع بعض لوحدنا
انا كان عندي فضول اعرف ايه الموضوع المهم الي هيكلمني فيه
اول ما دخلت اوضة الضيوف
شوفته بوشي
كان وسيم اوي وملامحه اول مرة ادقق النظر فيها حسيت هيغمى عليا من جماله كان طول بعرض ما شاء الله ده وصف الناس ليه كان قليل اوي
بابا كح بصوت عالي
هو فاق من سرحانه وانا كنت مكسوفة اوي
بابا سلمي على خطيبك يا بنتي
قولت ازيك يا يوسف
يوسف بابتسامة جانبية الحمدلله
وقعد وقال انتي ازيك
قولت الحمدلله
بابا عمل نفسه مشغول وخرج من الاوضة
بعد شوية تغيرت ملامحه بقت جدية شوية و اتكلم
قال ندى
قولت نعم
قال انا عايز اتكلم معاكي بخصوص الماضي شوية
ادايقت وقولت اتفضل
قال ندى انتي وهبة كنتو صحاب اوي ليه هبة تتجوز جوزك ليه سعيد يقبل
قولت والله مش عارفة
يوسف يعني ايه ما فيش تفسير للحصل طيب احكيلي السيرة من عندك
قولت كل الحكاية ان سعيد دخل الشقة هو وهبة وبيقول انهم هيتجوزو انا ما قبلتش وروحت عند اهلي واخدت البنات معايا وبعدين طلبت الطلاق وبنتي ماټت بالکانسر وانا ما فوقتش للكلام ده غير بعد ۏفاتها بست شهور لاقيت نفسي مطلقة من سعيد وهو وهبة مطلقين وبعد كدة هبة كلمتني عشان نرجع صحاب انا ما قبلتش وقالت ان مامتك كانت بتهددها انها تفضحها لو ما ما اتجوزتش سعيد انا قفلت السيرة دي من حياتي لغاية ما سمعت انها اڼتحرت
يوسف طب ليه ټنتحر وليه سعيد اټجنن و بعدين ماما حلفت مية يمين انها ما لهاش علاڤة بهبة خالص وانتي عارفة امي يا ندى اتغيرت بعد الي حصل مع سعيد اوي
قولت يوسف هبة كانت بتغلط كتير بالماضي وانا عارفة عنها حجات كتير لكن ما اعرفش ازاي اتفضحت ولا حتى ليه ټنتحر واكيد سعيد ما اتجننش من لا شيء ومۏت اسيل ما اعتقدش يعمل فيه كدة
يوسف سرح شوية
وقال انا هفضل احقق بالموضوع لغاية ما اوصل للحقيقة
قولت هتتعب اوي يا يوسف هبة اسرارها كتير وماحدش يعرف عنها حاجة والي اعرفه عنها قليل اوي مقابل البلاوي الي بتعملها
يوسف ما يهمنيش التعب طالما هوصل للحقيقة واعرف ايه الي قلب احوال العيلة كدة
قولت ربنا يقدرك وتعرف
ابتسم وقال انتي قوية يا ندي استحملتي كتير اوي
فضلنا نتكلم انا ويوسف وخدنا على بعض اوي
و مرت ايام وليالي
وبقينا قريبين من بعض بشكل كبير
مش عارفة ليه بس حسيت كأني اول مرة احب بحياتي
احب ايوة حبيته هو يستاهل اني احبه هو الشخص الصح الي اخيرا ربنا جبر على قلبي بيه
بدأت اجهز للجواز كأني اول مرة اتجوز وبناتي بحضني كانو طايرين من الفرح
خصوصا ايسل الي تعلقت بحسن ابن يوسف وبقو صحاب اوي
كلمت ماما وقولتها عن يوسف وهي اتبسطت اوي وقالتلي هتحضر فرحي ان شاء الله
كنت مبسوطة اوي واخيرا عرفت اكون سعيدة بعد الۏجع
