كان في شب بشتغل في مخبز غاب يوم عن المخبز

كان في شب بشتغل في مخبز غاب يوم عن المخبز ، صاحب المخبز قال يمكن بده زيادة على راتبه فأعطاه زيادة على الراتب 
تاني يوم رجع عطّل عن شغله ، صاحب المخبز عصّب وخصم منه الزيادة ..
الشب لما رجع أخد راتبه وهو راضي ومقتنع ، ما اعترض ضله ساكت 
صاحب المخبز اندهش من ردة فعله ! 
حكاله اعطيتك زيادة ع راتبك ما شكرتني ، ورجعت خصمتلك الزيادة ما شكيت ولا اعترضت شو قصتك ؟
حكاله لما اعطيتني الزيادة ، مرتي ولدت قلت هاي الرزقة من رب العالمين اجت مع ابني ، ولما رجعت خصمتهم تاني يوم ابني كان مټوفي ، وكنت مقتنع انه الرزقه راحت معه والحمدلله على كل حال .

- في أحد الصحابة الكرام دخل على مسجد يصلي ، اجى واحد مسك فرسه لحد ما يخلص صلاة ، فالصحابي قرر يعطيه 4 دراهم 
وهو طالع ناداه ليعطيه ياهم لقاه سارق سرج الفرس وهارب ..
نزل ع السوق يشتري سرج بداله ، فسأل عن سعره طلع ب 4 دراهم ..
فقال " سبحان الوهاب لولا لم يستعجل الحړام لأخذه بالحلال "

لن ټموت نفس قبل أن تستوفي رزقها ..
رزقك مقدر ومكتوب , رح يجيك برجليه لعندك سواء مال أو شغل أو زواج ...
ما تستعجل تاخد قرض كله ربا ,, بلاش يضيع على مرض ربنا يبلاك فيه لأنك مشيت بطريق الحړام ..

ما تحارب الناس في اشغالهم ، وتضيّق عيونك على رزقهم وتحسدهم وتقول ياريت عندي الي عندهم ..
بلاش ربنا يحرمك النعمة الي بين ايديك ، لأنك ما بتعرف ايش اخد منهم وعوضهم بإشي تاني مكانه ..
..
إسعى بنيه بيضه ، وصفي قلبك من السواد وتوكل ع الله ..
ممكن تطرق 99 باب وما يفتحوا ، وتلاقي كل اقدارك الجميلة مخبية بالباب الأخير ، وقتها رح تستغرب من كمية السعادة الي رح تملي حياتك وتفرجّ كربتك ..
وهاي هي رزقتك الي كانت متحوشتلك مقابل صبرك وأملك في رب الكرم والرزق ..
" وَفِي السَّمَاءِ رِزْقُكُمْ وَمَا تُوعَدُونَ " .ولم يكتف الله بهذا فأكمل كي نصدق فقال "فورب السماء والأرض أنه لحق مثلنا انكم تنطقون" فقط ثق بالله وامض ..