المجهول

كنت متمرمطه فى مسح البيت وهدومى كلها ميه وجسمى بيرتعش من برد الشتا إلى بينخر العضم ومراة ابويا الله يسامحها قاعده قدام البيت مستقبله شمس باهته تخللت الغيمات الرماديه وعماله تضحك من إلى رايح والى جاى، عضم ضهرى مش حاسه بيه، يوم تانى بايخ فى تاريخ حياتى البائسه

فجأه صوت مراة ابويا اختفى وعلى باب البيت وقف شاب جميل ووراه يجى خمس شبان وبنت كلهم آيه فى الجمال

لبسهم انيق جدآ، بناطيل ضيقه وجزم سودة ورماديه بياقة عنق طويله، بالطو طويل تحت الركبه ازرق لامع تحته قميص احمر كوفيه لبنيه وشعر ناعم طويل، ساعات كلها ماركات وكل واحد فيهم لابس في ايده

خاتم مختلف تحس انهم مش من العالم بتاعنا
انا وقفت فى مكانى متخشبه كأنى بتفرج على فيلم أجنبى
مرآة ابويا واقفه وراهم مبلمه مش عارفه تتكلم وانا رحيتهم الجميله عملتلى دماغ

كوفيه لبنيه وشعر ناعم طويل، ساعات كلها ماركات وكل واحد فيهم فى ايده خاتم مختلف تحس انهم مش من العالم بتاعنا
انا وقفت فى مكانى متخشبه كأنى بتفرج على فيلم أجنبى
مرآة ابويا واقفه وراهم مبلمه مش عارفه تتكلم وانا رحيتهم الجميله عملتلى دماغ

كلهم دخلو البيت ومراة ابويا مش عارفه تعمل ايه ولا انا كمان

والدى كان فى الغيط وجه بسرعه رحب بالضيوف الغرباء وسألهم عايزين ايه؟

عايزين دى نطق الشاب إلى كان واضح انه اهم واحد فيهم
سندفع مقابلها
والدى قال الصبر يابيه! عايزينها ازاى؟
تتجوزها يعنى؟
الشاب قال عايزينها بأى طريقه سندفع مقابلها وشاور لواحد فيهم طلع حقيبه مليانه فلوس ودهب وحطها قدام والدى
هل يكفى ذلك؟

مرآة ابويا لمحت الفلوس وكان هيغمى عليها، فلوس كتير جدا رزم

وزعقت وهى بتلعب بالفلوس موافقين موافقين خدوها
والدى عنيه لمعت لما شاف الفلوس والدهب وقال هتتجوز ها يعنى يابيه

سنفعل الازم لاتقلق
والدى قال موافق

الشاب قال سنرحل الأن احضرو الفتاه وانا واقفه زى البهيمه مش عارفه حاجه
شدونى برا البيت

برا البيت لسعنى الهوا البارد فى الأرض المكشوفه، ولأن هدومى مبلوله حسيت أنى بتجمد _نزع الشاب الذى كان يقودهم كنزته (بالطو ازرق بياقة عنق طويله) ووضعه على كتفى، خذى هذا !البنت إلى معاهم كانت بتبص ناحيتى بتركيز وبعد ما لبست البالطو قربت منى وشدته على وسطى النحيل وقالت__لا بأس بها

مكنتش فاهمه اى حاجه لكن فى داخلى كنت عارفه ان مفيش حاجه مستنيانى هتكون اسوء من العيشه إلى انا عايشاها مع مرآة ابويا