جنون ال ح قـد

وطلعت من البيت لحالهاانا استغربت ردة فعلها غير عن كل مره تزعل وترد علي وراحت وخلت عيالها وراها رغم هذا ما برد غيضي قلت بروح البيت ا

راسها ليش تحقرني وخذيت العيال ووصلنا البيت طلعت الغرفه مالقيتها دورت بكل مكان مالقيتها اتصلت على جوالها رد اتصل
مرات الخط تقفله زاد قهري قلت اروح لاهلها يادبونها ورحت لبيت اهلها لقيت ابوها واقف برى شكله ينتظرني نزلت وانا معصب قالي اسكت ولا كلمه قلت اللي عندك وخلاص في بيت اهلك معاد لك عندنا زوجه ودخل وقفل بوجهي الباب

وانا منص باللي سمعته مصدق ومو مصدققلت لنفسي ماعليه اعرفها تمو..ت على عيالها قلت والله لاحرق قلبها عليهم لين ترجع تحب رجولي ارجعها

رجعت البيت انتظر يوم يومين شهر شهرين أربع ست شهور ولا حد سأل..

جاني فضول احب اعرف وش فيها وصيت اختي تسال عنها قالت اختي لنا فتره نتصل جوالها مفصول مدري وش علومها
احترت قلت غريبه حتى عيالها ما سالت عنهم واعيالي اذوني يبون امهم
رحت لبيت اهلها طلع اخوها الصغير سألته مارد علي دخل وقفل الباب بوجهي ودقيت على جوال ابوها مارد وقفل جواله زادت حيرتي كيف اعرف علومهادقيت على اخوها الكبير رد قال هلا قلت اخبارك قال وش تبي قلت بسأل عن ام اعيالي

قال طيب تعال عندي بعد المغرب في البيت