رواية جديده بقلم الكاتبة مريم سمير كاملة ممتعة للغاية

_ الساعه تلاتة الفجر وواحدة زيك قاعدة كده في الشارع! دي احسن فرصه ل..
رفعت وشي الي اتملي عياط _ اني اقدملك منديل بټعيطي ليييي
سيبني في حالي لو سمحت 
_ أنا لو سبتك مش هيحصل كويس المنطقة دي كلها شمامين 
وانت مين بقي
_ أحد الشمامين بس مش موضوعنا يعني مالك في اي
أنا معرفش اي حاجة هنا 
_ ما اكيد شكلك نضيف علي الحارة انتي اي الي جابك هنا
هربانة من بابي والبودي جارد الي كانوا بيجروا ورايا 
_ بابي شكلك بنت ناس كملي وبعدين
عاوز يجوزني ابن عمي بالعافيه وانا مهما حصل مش هتجوز البني ادم دا 

_ طب اهدي وبطلي عياط 
قعد جمبي علي المصطبة _ دي مشكلة عويصه ودي أمور عائلية اهلي ملهومش دعوة بيها محتاجة تدخل عشا دلوقتي 
أنا بقولك أنا في مصېبة وانت بتقول عشا 
_ هي المصاېب بتشبع قومي معايا 
علي فين 
قام وقف قدامي وغمزلي _ علي البيت 
صوتت نعم نعم 
بقولك منطقه كلها ديلرات لو اتلموا هياخدوكي هما والله هما احسن مني يعني 
_ شكلك فايق وجاي تستظرف
لا والله دا انا لسه جاي من الشغل بس اكيد مش هسيبك في الشارع كده وكمان انتي ملكيش مكان تروحيه
_..
مټخافيش 
مكنش قدامي أي خيار تاني! قومت وانا بنضف هدومي من التراب الي عليه 
انتي رجلك پتنزف انتي وقعتي عليها
_ أيوة
طب براحتك وانتي ماشيه أنا بيتي قريب اهو 
وصلنا ودخلت كانت شقه رغم أنها صغيرة كانت جميلة مرتبة نضيفه فيها روح علي عكس الفلة الي كانت بالنسبالي سجن! 
هدخل اجيب علبه الاسعافات من جوا اقعدي ارتاحي
قعدت علي كنبه وجابلي العلبه حطيت مطهر وربطت رجلي 
_ شكرا مش عارفه بجد اقولك ايي 
ولا اي حاجة جعانة
_ لاء 
خلاص مدام كده هدخل اعمل عشا لينا احنا الاتنين
دخل المطبخ ف رجعت بصيت قدامي راجل غريب! بس طيب مش عارفه المفروض اعمل اي دلوقتي اطلع اجري ألم عليه الناس دا لما التراست ايشو والله
طلع بعدها بصنيه وحطها وقعد قدامي ف تنحت 
اييي الدنيا
_ هو دا اييي
دا مش طعميه وفول!
_ يعني اييي
اه دا كده الطبقات ساحت علي بعضها انتي شكلك من ايجيب وهتتعبيني دي cheese و جرين برجر و beans 
_ بس انا مكلتش الاكل دا قبل كده!
امال كنتي بتاكلي اي شحبتشينو وقرص ترب شكلك منهم كلي هيعجبك كلمه كمان هتصعب عليا نفسي وهتفتح في العياط
ضحكت _ لاء خلاص هاكل 
كلنا وخلصنا ودخل الصنيه المطبخ ورجع وقف قدامي تاني وقلع الجاكيت 
انت بتعمل اييييي
_ اييييي الجو حر متهدي وتكني بقي 
المفروض هنعمل أي دلوقتي
_ ادخلي الاوضه دي فيها شويه لبس ليا خدي منه أي حاجة وإلبسيه وامسكي دا كمان دا مفتاح الاوضه اقفلي وراكي وادخلي نامي 
انت بتعمل معايا كده لييي
_ عشان مكنش ينفع اسيبك لوحدك 
بس انت متعرفنيش
_ بس احنا بني ادمين ولازم نساعد بعض عارف إن مشي قدامك ناس كتير وانتي قاعدة بس معلش الناس دي وخداهم هموم الدنيا حتي مش قادرين يسألوا علي حد 
شكرا بجد يا.. انت اسمك اييي!
_ احمد وانتي 
مريم 
_ تصبحي علي خير يمريم 
ابتسمت وقومت دخلت الاوضه وقفلت عليا فتحت الدولاب لقيت فيه قمصان وبناطيل وتحت كان فيه عبايه بيتي! طلعتها لبستها
كانت واسعة عليا بس مريحة نمت من كتر التعب وصحيت علي خبط في الباب قومت فتحت وانا بدعك ف عيني 
أيوة!
كان باصصلي ومتنح _ انتي لقيتي العبايه دي فين
في الدولاب مكنش فيه غير قمصان بس ف معرفتش ألبسهم 
_ دي عبايه امي الله يرحمها 
أنا اسفه مكنتش اعرف والله و..
_ لا لا مفيش حاجة معلش صحيتك هدخل اجيب لبس
بس عشان