رواية عشق الادهم بقلم مها العيسوي (كاملة

سكوته طال قالتله بزعل
لورا انت مش واثق فيا يامحمد اومال عيالى اامن مستقبلهم ازاى
محمد بس انا كده هبقى بظلم عيالى يالورا
لورا بعصبيه لما الدلع منفعش اااه قول كده عايز بعد مااخلف عيالى انا الى يتبهدلوا ماشى تمام انا هنزل الى فى بطنى ونطلاق وكل واحد يروح لحالوا
محمد بسرعه انتى بتقولى ايه يالورا تنزلى ايه وطلاق ايه الى انتى عايزاه
لورا اومال عايزنى اجيب عيال وفى الاخر عيال همس ياخدوا كل حاجه
محمد مين قال كده عيالى كلهم هياخدوا حقهم زى الشرع ما قال
لورا بصوت عالى ااااه الحكايه كده يعنى ضحكت عاليا اما قولتلى ان محدش هيشاركنى فيك ابدا ماشى يامحمد انا سيبالك

البيت
واخدت بعضها ودخلت الاوضه تلم هدومها محمد اعد مكانه وحط ايده على دماغه ومش عارف يعمل ايه
لورا دخلت لمت هدومها وطلعت بالشنطه وقفت قدامه وقالتله
لورا انا ماشيه يامحمد انا مقدرش اعيش مع واحد مش واثق فيا ولسه هتمشى مسك ايديها يوقفها عايز ايه
محمد استنى يالورا ليه بتقولى كده انا مابثقش فيكى دانتى مراتى وام ابنى
لورا اومال تسمى ايه انك مش راضى تكتبلى المعرض والشقه باسمى
محمد طيب اهدى وادخلى سيبى الشنطه دى وتعالى نتكلم براحه
لورا لا يامحمد مش عايزه اكلم ومش عايزه منك حاجه
محمد يالورا الكلام اخد وعطا
لورا قولت لا مش عايزه منك حاجه
محمدطيب سيبينى افكر يومين وهرد عليكى
لورا ولا يومين ولا تلاته خلاص هى بانت اهى خلى ست همس تنفعك
محمد ياحبيبتى والله انا مااعرف حاجه عنها من يوم ماطلقتها وبقولك يومين بس اضبط نفسى وشغلى وهرد عليكى
لورا قدامك يومين بس وبعد كده ماتلمنيش
محمد ماشى ياستى ربنا يسهل
لورا ومن هنا لحد اليومين مايخلصوا ملكش دعوه بيا سامعنى
محمد ليه كده طيب
لورا هو كده يا هروح عند بابا
محمد طيب خلاص ماشى
وسابته ودخلت الاوضه وقفلت علي نفسها محمد اعد مهموم مش عارف يعمل ايه
عند همس فى الشركه طول اليوم بتحاول تركز فى شغلها بس مش عارفه وبتفتكر كلام ادهم ليها لما قالها
تعبك راحه انا معنديش مانع اتعب العمر كله 
وبتقول لنفسها ياترى كان قصده ايه بالكلام ده معقول يكون بي لالالا اكيد لا هو عارف انى مش بفكر في الكلام ده بس دانا كمان حاسه انى يوووو يا همس انتى اتجننتى ولا ايه انا اكمل شغل احسن من


الهبل ده
وياوب لسه هتكمل شغل لقت تليفونها بيرن
همس وعنيها مبرقه يالهوى ده هو اعمل ايه انا مش هرد بس انا وافقت انوا يتصل مش هينفع مااردش عيب
وردت عليه الو
ادهم اول ماسمع صوتها كان عايز يقولها وحشتنى بس مينفعش الو ازيك يا همس عامله ايه
همس الحمد لله انت عامل ايه
ادهم انا كويس الحمد لله انا بس قولت اسال على حور وادم عاملين
ايه خفت عليهم يكونوا تعبوا من الجو امبارح
همس لا كويسين الحمد لله بالعكس دول كلمونى من شويه وكانوا مبسوطين وحتى سالوا عليك.
ادهم بجد سالوا عليا لو قلتلك انهم وحشونى هتصدقينى
همس هصدقك علشان حور قالتلى كده
ادهم بلؤم قالتلك ايه
همس احم قالتلى يعنى انك وحشتها
ادهم بحب هى بس الى وحشتها 
همس اتوترت جدا ها ااقصدك ايه
ادهم كان عايز يضحك على لخبتطها فى الكلام قصدى ادم طبعا هو مسالش عليا
همس سكتت شويه لانها حاست انه بيقولها هى اه أدم كمان سال عليك
ادهم سلملى عليه وكنت عايز استاذنك اخدهم يوم الجمعه افسحهم علشان وعدتهم
همس بس كده كتير ي ادهم بنتعبك معانا
ادهم قولتك قبل كده يا همس مافيش تعب ربنا عالم انا بحبكوا قد ايه ولحق نفسه ااقصد حور وادم يعنى
همس ابتسمت متشكره قوى يا ادهم على اهتمامك بيهم هما فعلا مفتقدين الاهتمام ده
ادهم متشكرنيش يا همس انا المفروض اشكرك انك سمحالى اقرب منكم عموما هكلمك قبل ماجى اخدهم
همس تمام انشاء الله
ادهم تمام اسيبك تشوفى شغلك سلام
همس مع السلامه
قفلت همس وهى مسهمه وبتفتكر كل كلمه قالها وهى مبتسمه قوى الباب خبط وهى مسمعتش شويه ودخلت نور الى بقت قريبه من همس الفتره الى فاتت دخلت لقت همس 
مسهمه ومبتسمه
نور وهى بتشاور قصاد وش همس هاااى روحتى فين ياجميل الى واخد عقلك
همس انتبهت ان نور هنا نور ازيك عامله ايه انتى دخلتى امتى
نور لسه داخله خبط ودخلت لقيتك مسهمه شبه الى بيحب جديد
همس رجعت لتوترها الى بقى ملازمها من ساعت ما شافت ادهم ها انا احب ايه بس يانور انا بس مشغوله ببرنامج جديد شغالة عليه
نور مش مصدقه كلامها ااه برنامج جديد انا قولت كده برده طيب المهم شوفى كده البرامج دى محتاجه تعديل اسر بعتهم ليكى
همس طيب تعالى اما نشوف هنعملوا فيهم ايه
نور خلصت الشغل المطلوب مع همس وراحت تسلمه لاسر خبطت ودخلت
نور لاسر اتفضل حضرتك البرامج الى