أميرة الصعيد
فيروز بضحك : خلاص تعالي اوديكي تنامي في الصالة والصبح قب.ل ما امشي والكل نايم هصحيكي تطلعي تنامي في اوضتي
هند : ماشي يلا .......دا انتي صداع
جه الصبح وفيروز صحت من النوم ولبست ونزلت عشان تروح الجامعة ونسيت هند ونسيت تطلعها الاوضة لأن المكان اللي هند نايمة فيه بعيد عن الباب ف فيروز ما اخدتش بالها ومشت راحت الجامعة
الحاج سعيد : حصل ايه يا بنتي
هند حكت علي كل حاجة وفجأة لقت موبايلها بيرن
هند : الو يا فيروز
هند : لا نايمة في عز نومي
فيروز : اومال بتتكلمي ازاي
هند : قولي لنفسك
فيروز : المهم معلش بقا نسيت اصحيكي الصبح بما أن انتي صحيتي اطلعي كملي نوم في اوضتي لو حابة
هند : منك لله يا فيروز منك لله
وقفلت السكة في وشها
فيروز : يا بت ال.... بتقفلي السكة في وشي
هند : مكنتش واحد بالك ايه ده انت تقيل اوي
زين : انا تقيل
هند : اه تقيل
زين : تقيل ازاي يعني
هند : د.مك تقيل ووزنك تقيل انت كام كيلو
زين : انا ٦٠ كيلو
هند : مش بقولك تقيل
زين : معلش انا آسف
هند : اصرفها منين انا آسف دي
هند : هاتلي بيتزا بالسجق
زين : نعم
هند : هاتلي بيتزا بالسجق وانا اسامحك علطول
زين : عنك ما سامحتيني
الكل واقف يضحك عليهم
زين : بتضحكوا علي ايه
الحاج ابراهيم بضحك : خلاص يا بنتي هجبهالك انا
هند : معلش يا عمو بس هو اللي قعد عليا يبقي هو اللي يجيبلي
لما كان عند الباب
هند بصوت عالي : هاتها بالحجم العائلي
بعد شوية
زين : اتفضلي يا استاذة يا رب تكوني هديتي
هند : اوي بس انت ايه اللي خلاك تتأخر كده
زين : وانتي مالك
هند : بص أنا دلوقتي لولا أن انا خاي.فة البيتزا تبرد كنت زع.لتك انهاردة
هند :بقولك ايه
زين : نعم
هند : معاك فلوس
زين : اه
هند : طب انا هنام هنا كل يوم ابقي تعالي اقعد عليا وهاتلي اي حاجة اكلها عشان ببقي قاعدة جعانة
زين : ارحمنا يارب
هند : يا رب
زين : دا انتي إنسانة مستفزة اوي
هند : اطلع نام
زين طلع اوضته
وبعد شوية
فيروز جت
فيروز اول ما شافت هند وهي بتاكل البيتزا
فيروز : انتي بتعملي ايه
هند : بلف محشي
فيروز : بلاش استظراف ايه اللي حصل
هند حكت لفيروز علي كل حاجة
فيروز : يا مفترية
هند :بقولك ايه انا جاية هنا اراقب العقربة اللي فوق دي ف خلي ابن عمك ده يبعد عني عشان مزع.لهوش
فيروز : يا ستي فكك من زين دلوقتي المهم راقبتيها
هند : لما أفطر هبقي اقوم ارقبها
فيروز: ما انتي لسة آكلة
هند : آكلة ايه
فيروز : انتي مش لسة آكلة بيتزا
هند : لا دي تصبيرة كده لحد ما يحضروا الفطار
فيروز : ڈم ..ا كده همك علي بطنك
هند : معلش بقا ...... انتي قابلتي حازم
فيروز : لا
هند : ليه
فيروز : اصل انا طلعت من الجامعة تعبانة اوى فقولت اروح و أقابله بعدين ونروح انا وانتي وزين
هند : ماشي اطلعي ريحي وانا هروح آكل اي حاجة اصبر بيها نفسي لحد ما يحضروا الفطار وهطلع اشوف العقربة دي بتعمل ايه فوق
فيروز : تمام ماشي
هند اكلت وطلعت تراقب ليلي بس اتفجات لما لقت شخص قدامها والشخص ده كان .......
رواية أميرة الصعيد الفصل الثاني عشر
